l3ajb a iga lmasih ula kullu ma isker. ur jji illi yan zund nttan. ur illi yan iluln ghemk lli d ilul lmasih s lmu3ajiza n rbbi lligh d igguz rruh lqudus n rbbi f maryam, taru s thkimt n rbbi bla argaz. ur illi yan ittafn ismawn lli dars illan. «awal n rbbi» tga lm3na ns «walli d ikkan rbbi». «yasu3» tga lm3ana ns «walli ra ijjenjem mddn». lmasih tga lm3na ns walli ityawzlayn a ig «tamatart n tasa3t». ur illi yan ijjujin imudan ghemkelli tn ijjuji. irzem alln i ibukadn, irzem imzgan i iderdar, ifsi ils i izenzam, issdus ikuchamn, issghus injdamn, ar d issenkar ula willi mmutnin. ur illi yan isslmadn ghemk lli isselmad. ur illi yan mi isfa uwl ghemk lli isfa uwl ns, neghd yan ithennun gh mddn ghemkelli gisn ihenna. nttan wahdut a iqsadn a immet bach a yasi ddnub n bnadm. nttan wahdut a inran lmut, inker d zgh umeddal s tudert idumn. nttan wahdut a ityattayn s dar rbbi ar t fellannegh itdalab. ar sers tqeln kullu mddn, issann izd nttan a ra d igguz zgh igenna gh isiggra n ddunit, ra ijjenjem willi sers umennin. nttan wahdut a issittin chchekk ula tiksad ula ddnub, ifk agh d laman d sslamt gh ddunit ad ula likhert. ur illi yan zund nttan. kullu ma isker l3jb a iga. imma kiyi a gma, ma yk ibann? ula kemmin a ulltma, ma fellas ttinit? is tument s lmasih? ara yagh d f ma tswingemt ula ma ur tfhimt.

contact@tachelhit.info