achku a gma mayan rbbi iqsad t zgh isizwur. ityara kullu mayan gh warratn l lanbya n zman, imla ysn rbbi nis ra immt lmasih. achku ira a isker s idammen l lmasih yal l3ahd l lejdid gh gras d bnadm. d lmut ns a s yusi lmasih lhukm lli ittutn f ddunit. izri nttan gh l3adab l leqber afad a ur zgh gis nzri nkkni. inna nttan «lhaqq ayad, lhaqq a rad awn inigh. igh ur ider waqqa n irdn gh wakal immt, wahdut a ra iqama. walayenni igh immut ra d yawi ssabt iggutn.» (yuhanna 12:24) ur iqama wahdut nttan, achku inker d gh wis krad uwssan ghemkelli s inna i imhdarn ns. yall t ilemma rbbi s igenna, ar isiggra n ddunit ra d yuwrri. ra issmun kullu willi sers umennin, ar skarn s lusiyyat ns ghemkelli iskar. yawi tn dids ilemma s tudert idumn. ghwin a igan ssabt ns iggutn.

Ara tabrat nnek contact@tachelhit.info