igh a iswad wadu itjehhedn a gma, da issukuf tuga iqqurn zgh wakal. han iwalyun l lanbya zund adu ad gan, ar ssittin ljhalt zgh bnadm. imma akal, urd adu ka ihtajja ma issukufn tuga iqqurn. ihtajja ula anzar ma d issemghayn tuga l lejdid. ha bnadm, urd lanbya ka ihtajja, ma d itawin lusiyat ula lefrayed. ihtajja ula ma t it3ammarn s lbaraka n igenna ula lquwwa n rbbi. imla yagh lmasih is izdar a ygh iskar kullu mayad. ifka yagh a n3ammer s rruh n igenna, ma ygh it3awann gh kraygatt luqt. hati rruh ns a ygh issdusn ar agh itbeddal zgh wawgns aylligh nwurri ar nt3ammar s ufulki n rbbi. ar agh it3ammar s tehkimt ns ula lehnant ns, ar agh itguwwad gh kullu ma neskar. ar t ntchkar bahra f lbaraka yad agh ifka. ityara gh warratn l linjil: «igh a tskarm s ma tra ddat, rad awn tili lmut. walayenni igh a tneqqam isekkirn n ddat s teækimt n rruh, rad awn tili tudert.» (ruma 8:13)

Ara tabrat nnek contact@tachelhit.info