rbbi a-iqsadn mayan zgh-isizwur. ityara kullu mayad gh-warratn l-lanbya n-zman, imla-ysn rbbi nis-ra-immt lmasih. acku ira a-isker s-idammen l-lmasih yal-l'ahd l-lejdid gh-gras d-bnadm. d-lmut-ns a-s-yusi lmasih lhukm lli-illan f-ddunit. izri nttan gh-l'adab l-leqber afad a-ur-zgh-gis-nzri nkkwni. inna nttan "lhaqq ayad, lhaqq a-rad-awn-inigh. igh-ur-ider-waqqa n-irdn gh-wakal immt, wahdut a-ra-iqama. walayenni igh-immut ra-d-yawi ssabt iggutn." ur-iqama wahdut nttan, acku inker-d gh-wis kraduwssan ghemkelli-s-inna i-imhdarn-ns. yall-t ilemma rbbi s-igenna, ar isiggwra n-ddunit ra-d-yuwrri. ra-issmun kullu willi sers umennin, yawi-tn dids s-tudert idumn, tili-as ssabt iggutn.

Ara tabrat nnek contact@tachelhit.info