ddunit urd ghemkad a tga zgh isizwur, wala ra bdda tghama ghemkad dima. achku ddunit ar tzray gh semmus izmaz. gh isizwur, nssen sidi rebbi is ifulki. d kullu ma iskar ifulki. lligh ikhleq ddunit, ikhleq tt s ufulki ikemmeln. ur gis kra inaqsen ula kra iherchen ula kra ykhchenn. ityara gh warratn n tawrat: «sidi rbbi izra kullu ma ikhleq, hati ifulki bahra» (isizwur 1:31). d ghwan a igan azemz amzwaru. iban gh ddunit ghilad is t3ammer s kullu ma ykhchenn. middn ar tzzin ar tmmaghn, ar tefufunn ar tehrachn ar temtatn. ilin ichabukn ggutnin gh ddunit ad, ilin willi igan win bnadm, ilin willi igan wins nttat. tgguz d yat nn3alt f ddunit, a s tt igan d lmut, aylligh twurri thelk kullu ma gis illan. makh? achku ur a skarn middn s wawal n rbbi. ghemkad a ityaran: «tighrad n ddnub, lmut a stt igan» (ruma 6:23). ghwan a igan wis sin izmaz. yachk id ilemma yan izdarn a issitti tagat ula nn3alt lli ihelken ddunit. yachk id gh yat luqt igezzuln s yat tmazirt imezzin. ifk i ibukadn ad isfyun, iderdar ar sflidn, izenzam ar sawaln, ikuchamn ar fettun. ar ijjuji kullu wanna iherchn, ar d issenkar willi mmutnin. ar issshennu mddn ar asn yakka sslamt. ityara gh warratn l linjil: «ar itekka kraygatt mani ar iskar afulki, ar ijjuji kullu wanna ityawkrafn s iskraf n iblis.» (ireqqasn 10:38). ghwan a igan wis krad izmaz. ghwalli ijjenjemn middn an, ira nttan a isker uggar. yiri a issitti tagat l lmut f ddunit kullutt, ifk ikhf ns a yasi ddnub n kullu middn, yasi f tghrad ns ddnub n bnadm kullut. d ghemkan a isker. ikhalles lehsab lli fellannegh illan. ityara gh warratn n rbbi: «nttan a yusin ddnub nnegh f ddat ns gh uggejdi, bach a nmmet i ddnub ndder i ma irdan rbbi. s tiggas ns a s tjjim.» (1 btrus 2:24). ghwan a igan wis kkuz izmaz. gh isiggra n ddunit ra d yachk nttan tis snat twal. ghakudan a ra ikemmel tawuri ns. ra d issenker ghwilli mmutnin gh ddunit kullutt, izli ihray zgh waghadn, issmun willi sers umennin a dids ilin gh wakal l ljdid. imma aghadn rad qaman gh berra s tagat l lmut idumn. ityara gh warratn n rbbi: «ar ntqel s maylli s agh inna rbbi, ar n nterju igenna l lejdid d wakal l lejdid, 3ammern s kullu ma irdan rbbi.» (2 btrus 3:13). ghakudan ur ra sul therch ddunit walayenni ra t3ammer s kullu ma ifulkin. ur ra sul gis ilin imttawn neghd attan neghd timudan neghd imaghn neghd middn khchennin. ghwan a ra ig wis semmus izmaz. walli izdarn a ijjuji imudan issenker d willi mmutnin, ma t igan? iga t yasu3 lmasih. nttan a ra d ywurrin s ddunit. illa f kraygatt yan a yujad ikhf ns i wass lli gh ra d yachk. izdar lmasih a k ijjenjem. is tujadt ad dids tmnaggart? is sers tument? ara yagh d f ma tswingimt ula ma ur tfhimt.)