is ti teghrit a gma? ma fellas tssent? imhdarn nna illan d kra n nnabi, nis rad izdarn ad beddln awal ns s kra n wawal yadni? nis ur rad darsen 3azzan iwalyun n nnabi an uggar n tudert nsen? achku lamant an, ifel tt f umggerd nsen. inna lmasih s ikhf ns: «rad ittin igenwan d wakal walayenni ur sar ittin iwalyun inu.» gh uwssan lli gh illa lmasih gh ddunit ad, ar itekka kraygatt mani ar iskar lkhir. ar dars ttachkin middn ggutnin gh uwssan an, zern ma iskar, sfeldn i ma ittini. is rad izdarn ad kullu ttun awal ns d isekkirn ns? is rad qbeln kra n wawal ur igin awal lli mi dars sfeldn? ghakud lligh ityara linjil l lmasih, ilkem kullu tisgyu n ddunit. mra ys nnit ran ad beddln awal ns, is rad izdarn ad beddln gh kraygatt mani ma ityaran gh lektub an, ssengaddan tn, rarn tn ad d kullu mchachkan gh ddunit kullutt? uhu, ur rad izdarn i mayan. linjil ad darnnegh illan, linjil ishan a iga. ur jji itbeddl. achku rbbi a t igabeln, ur yudji middn ad ssinfn awal lli f tn yussa. linjil ad a gma, ur a ygh issaggug zgh rbbi, walayenni ar agh imala mamnek a n sers ntakmur, nissan is illa bdda didnnegh a ginnegh ibark.

Ara tabrat nnek contact@tachelhit.info