s sahht a gma, rbbi ur igi zund bnadm, ur a itetahal ula da itaru. lem3ana yad, urd ghemkelli iswingim bnadm a tga. lligh d ilul lmasih, yazn d rbbi lmalak jibrayyil s yat tefrukht ism ns maryam. yini as lmalak: «hati ra terbut, tarut yan warraw.» tini as maryam i lmalak: «mamnek a ra yyi yili mayad? ur dari argaz.» yini as: «ra d fellam igguz rruh n rbbi, tdl km tehkimt n rbbi. mayad a f ra nttini i warraw an amzlay lli ra tarut ‹yus n rbbi.› » (luqa 1:30, 34 35) makh aylligh a ys nttini «yus n rbbi»? amzwaru achku ilul d zgh rruh n rbbi. tis snat achku tlla gis tehkimt n rbbi, ar iskar lmu3jizat lli ur izdar yan a tnt isker abla rbbi. walayenni tlla sul tis kratt, achku rbbi a t innan. ghemkelli ityaran gh linjil: «isawl d yan wawal zgh igenwan yini: ‹ghwad iga iwi i3azzan. sflidat sers.›» (marqus 9:7)

Ara tabrat nnek contact@tachelhit.info