zer a gma lmasih mayd inna f ikhf ns ur ta iruh uzemz lli gh ra immet. inna: «ra nddu s temdint n uruchalim. ra yyi n dhin s gr ifassen n inmghurn n uwdayn. rad fella hkamn s lmut. ra gigi tetnazn ssufsn fella lekhdn iyi nghen iyi. walayenni gh wis krad uwssan rad d nekregh zgh lmut.» (matta 20:18 19) issen lmasih ma ra ys ijru, inna yasn awal ad kratt twal afad a ur t ttun. lligh d mchachkan uwdayn d rruman a t nghen, ssenn kullu nizd yus n maryam a iga. lligh t uggeln f uggejdi a immt, tbidd innas d aytmas d imhdarn ns gh tama ns. ntni ssenn bahra nizd nttan a iga. lligh d inker zgh lmut isawl didsen, ichch didsen, iml asn ula timitar lli feln imsmarn gh ifassen ns ula idarn ns. mamnek a ra ibidd yan gh lgddam n innas d aytmas d imeddukkal ns bla t ukzn? inagan kullutn ssenn izd lmasih ayn immutn.

Ara tabrat nnek contact@tachelhit.info