Photo Masha Maria

AMARG 1

ambarki 1 ambarki a-iga-urgaz lli-ur-ifttun f-iswingimn n-ayt-lɛar, ula-da-itmunu d-uɣaras n-imɛṣan, ula-da-itgawar ɣ-gr iṭnnaẓn. 2 hati awal n-rbbi a-s-a-itfraḥ. awal-ns a-ɣ-a-iswingim iḍ ula azal. 3 iga zund tasɣart ɣ-tama n-isura n-waman, ar-takka lɣllt, ifrawn-ns ur-a-tsllawn. kullu ma-iskar ar-d-itawi lxir. 4 ur-ra-yili lxir i-imɛṣan. gan zund alim lli-issitti lɛawin. 5 ur-rad-zgan ɣ-wass l-lḥsab. ur-rad-bbidn ɣ-gr willi-f-irḍa rbbi. 6 acku rbbi ar-itgabal aɣaras n-willi-f-irḍa. imma aɣaras n-ayt-lɛar ar-itawi s-lhalak.