Photo David D.

AMARG 101

rad-asiɣ amarg 1 rad-asiɣ amarg l-lḥqq ula tayri izgan. kiyi a-rbbi a-mi-rad-asiɣ amarg. 2 rad-ttiduɣ nkki ɣ-uɣaras n-ufulki. managu a-rbbi a-ra-d-dari-tackit? rad-skarɣ nkki d-ayt-tgmmi-nu s-uwl iṣfan. 3 ur-rad-adjɣ alln-inu a-tmnadnt kra issrkawn. ur-rad-gawrɣ d-willi ittun rbbi, ula rad-kcmɣ ɣ-iskkirn-nsn. 4 ur-rad-sskarksɣ ula rad-d-mcackaɣ d-willi ʷxcnnin. 5 rad-ssfsaɣ nkki wanna irggmn ɣ-wadjar-ns. ur-rad-ṣbrɣ i-yan issfurrugn iḥgr wiyyaḍ. 6 rad-frḥɣ nkki s-willi tuqqarnin rbbi. rad-iriɣ nkki ɣwilli umẓnin aɣaras n-ufulki. rad-ilin ntni ɣ-tgmmi-nu ar-dari-timkiriyn. 7 ur-rad-adjɣ id-bu-tkrkas ad-didi-zdɣn. ur-rad-adjɣ ayt-sin-uwdmawn ad-dari-qaman. 8 rad-ssfsaɣ gar mddn ɣ-tgldit-inu kraygatt ass. rad-ssufuɣɣ ɣwilli ʷxcnnin zɣ-tmdint n-rbbi.