Photo Travellinknu

AMARG 113

ignwan d-wakal 1 ḥmdat i-rbbi. ḥmdat-t a-ismgan n-rbbi, tmjjdm ism n-rbbi. 2 a-yili lmjd i-ism n-rbbi, ɣilad ula kullu mayd-d-iftan. 3 a-yili lḥmd i-ism n-rbbi, zɣ-usɣlay n-tafukt ar amṭar-ns. 4 yattuy rbbi f-kullu timizar, lmjd-ns iɛmmr ignwan. 5 ma-igan zund sidi rbbi? yattuy f-kullu ma-illan. 6 ar-d-issmuqqul zɣ-tattuyt, igabl ignwan d-wakal. 7 ar-itall amẓluḍ zɣ-ugdrur, ikks-d ula igllin zɣ-umdduz. 8 issgawr-tn d-imɣarn, ɣ-gr imɣarn n-mddn n-rbbi. 9 tamɣart lli-ur-iṭṭafn tarwa, ar-as-yakka takat tasaɛdit, ard ttaru tfrḥ d-tarwa-ns. ḥmdat i-rbbi.