Photo `AJFT

AMARG 128

imbarkin 1 imbarkin ad-gan ɣwilli bahra tuqqarnin rbbi, sudun ɣ-uɣaras-ns. 2 ra-tcct lɣllt n-twuri n-ifassn-nnk tfrḥt tcbɛt lxir. 3 zund ddalit da-yakkan lɣllt a-ra-tg-tmɣart ɣ-ugʷns n-tgmmi-nnk. zund lxlf n-zzit a-rad-lullin tarwa i-lmida-nnk. 4 ɣmkad a-ra-ibark rbbi ɣ-ɣwalli-t-ituqqarn. 5 a-gik-ig rbbi lbaraka-yad zɣ-tmdint-ns tamẓlayt, s-lxir n-tgmmi-ns kullu ussan n-tudrt-nnk, 6 izziɣzif lɛmr-nnk ard tẓrt tarwa n-tarwa-nnk, tili sslamt i-ayt-rbbi kullutn.