Photo F. Benotman

AMARG 15

wa-rbbi ma-ra-n-ikcm? 1 wa-rbbi, ma-ra-n-ikcm s-untal-nnk? d-ma-ra-tadjt a-ig anbgi f-uwrir-nnk? 2 wanna-ɣ-ur-illi lɛib, ar-iskar afulki. ar-ittini lḥqq s-nniyt n-uwl-ns. 3 d-ur-a-itadj targgimt a-tk infurn-ns. ula-da-ittini gar awal f-wadjar-ns. ula-da-itasi takndawt f-umddakkʷl-ns. 4 izga bdda ɣ-wawal-ns, iqama gis waxxa ɣ-uzmz icqan. yuqqr wanna iksuḍn rbbi, imma yan ixza ur-a-stt-gis-itawi. 5 ur-a-itḍalab uggʷar n-urṭṭal-ns, ula-da-itamẓ tikki a-isskarks f-yan icwan. yan imunn d-uɣaras-an, ur-illi ma-ra-t-issmass.