AMARG 8

wa-rbbi siditnnɣ 1 wa-rbbi siditnnɣ, ism-nnk a-imqqurn ɣ-ddunit kullutt. lḥmd-nnk iɛmmr ignwan, 2 zɣ-ils n-iḥcmay ula azzann. tattuyt f-ayt-taẓit d-imiɣ, tssfssat inuwwacn-nnk. 3 ullɣ alln-inu s-ignwan, annayɣ-n ayyur d-itran, lli-tskrt s-ifassn-nnk, tccackit-tn-d ɣ-udɣar-nsn, 4 iniɣ “ma-iga bnadm aylliɣ a-gis-tswingimt? ula yus n-bnadm aylliɣ-tt-gis-tiwit kiyi?” 5 tfkit-as ttaj l-lmjd d-lhibt, ɣ-ddu ayt-ignwan ɣir imikk, 6 a-iḥkam maylli tɛdlt. trart ɣ-ddu iḍarn-ns, 7 ulli ula ifunasn, luḥuc ula igḍaḍ n-ignwan, 8 islman ula ma-illan ɣ-imdwan. 9 wa-rbbi siditnnɣ, ism-nnk a-imqqurn ɣ-ddunit kullutt.