Aseqsi 1 Max aylliɣ tumnm bahra s‑lmasiḥ uggʷar l‑lanbya yaḍni? lɛjb a‑iga lmasiḥ ula kullu ma iskr. ur‑jji‑illi yan zund nttan. ur‑illi yan iluln ɣmk lli‑d‑ilul lmasiḥ s‑lmuɛajiza n‑rbbi lliɣ‑d‑igguz rruḥ lqudus n‑rbbi f‑maryam, taru s‑tḥkimt n‑rbbi bla argaz. ur‑illi yan iṭṭafn ismawn lli dars illan. «awal n‑rbbi» tga lmɛna‑ns «walli‑d‑ikkan rbbi». «yasuɛ» tga lmɛana‑ns «walli ra‑ijjnjm mddn». lmasiḥ tga lmɛna‑ns walli ityawẓlayn a‑ig «tamatart n‑tasaɛt». ur‑illi yan ijjujin imuḍan ɣmklli‑tn‑ijjuji. irẓm alln i‑ibukaḍn, irẓm imzgan i‑iḍrḍar, ifsi ils i‑iẓnẓam, issdus ikucamn, issɣus injdamn, ar‑d‑issnkar ula willi mmutnin. ur‑illi yan isslmadn ɣmk lli isslmad. ur‑illi yan mi iṣfa‑uwl ɣmk lli iṣfa‑uwl‑ns, nɣd yan itḥnnun ɣ‑mddn ɣmklli gisn iḥnna. nttan waḥdut a‑iqṣadn a‑immt bac a‑yasi ddnub n‑bnadm. nttan waḥdut a‑inran lmut, inkr‑d zɣ‑umḍḍal s‑tudrt idumn. nttan waḥdut a‑ityattayn s‑dar rbbi ar‑t‑fllannɣ‑itḍalab. ar‑srs‑tqln kullu mddn, issann izd nttan a‑ra‑d‑igguz zɣ‑ignna ɣ‑isiggʷra n‑ddunit, ra‑ijjnjm willi srs umnnin. nttan waḥdut a‑issittin cckk ula tiksaḍ ula ddnub, ifk‑aɣ‑d laman d‑sslamt ɣ‑ddunit‑ad ula lixrt. ur‑illi yan zund nttan. kullu ma‑iskr lɛjb a‑iga. imma kiyi a‑gma, ma‑yk‑ibann? ula kmmin a‑ulltma, ma‑fllas‑ttinit? is‑tumnt s‑lmasiḥ? ara‑yaɣ‑d f‑ma‑tswingmt ula ma‑ur‑tfhimt.

                              1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11

ⴽⵍⵉⴽⵉ ⴼ-ⵉⵙⴻⵇⵙⵉⵜⵏ-ⴰⴷ