Aseqsi 11 liman n‑imasiḥin, mamnk a‑iga? iɣ‑a‑iṣwaḍ‑waḍu itjhhdn a‑gʷma, da‑issukuf tuga iqqurn zɣ‑wakal. han iwalyun l‑lanbya zund aḍu ad‑gan, ar‑ssittin ljhalt zɣ‑bnadm. imma akal, urd aḍu ka‑iḥtajja ma‑issukufn tuga iqqurn. iḥtajja ula anẓar ma‑d‑issmɣayn tuga l‑ljdid. ha‑bnadm, urd lanbya ka‑iḥtajja, ma‑d‑itawin luṣiyat ula lfrayḍ. iḥtajja ula ma‑t‑itɛmmarn s‑lbaraka n‑ignna ula lquwwa n‑rbbi. imla‑yaɣ lmasiḥ is‑iẓḍar a‑yɣ‑iskar kullu mayad. ifka‑yaɣ a‑nɛmmr s‑rruḥ n‑ignna, ma‑yɣ‑itɛawann ɣ‑kraygatt luqt. hati rruḥ‑ns a‑yɣ‑issdusn ar‑aɣ‑itbddal zɣ‑wawgʷns aylliɣ nwurri ar‑ntɛmmar s‑ufulki n‑rbbi. ar‑aɣ‑itɛmmar s‑tḥkimt‑ns ula lḥnant‑ns, ar‑aɣ‑itguwwad ɣ‑kullu ma‑nskar. ar‑t‑ntckar bahra f‑lbaraka‑yad‑aɣ‑ifka. ityara ɣ‑warratn l‑linjil: «iɣ‑a‑tskarm s‑ma‑tra ddat, rad‑awn‑tili lmut. walaynni iɣ‑a‑tnqqam iskkirn n‑ddat s‑tḥkimt n‑rruḥ, rad‑awn‑tili tudrt» (ruma 8:13).

                              1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11

ⴽⵍⵉⴽⵉ ⴼ-ⵉⵙⴻⵇⵙⵉⵜⵏ-ⴰⴷ