Aseqsi 4 ma‑ttinim ɣ‑tẓallit‑nnun? izd s‑tɛrabt a‑s‑a‑ttẓallam? rbbi issn i‑kullu iwalyun, ifhm kraygatt lluɣa. ar‑dids‑nsawal s‑tclḥayt. ar‑ntḥmad rbbi, acku nttan a‑ixlqn ddunit ula kullu ma‑gis‑illan. ar‑t‑ntckar f‑rrḥmt‑ns ula lḥnant‑ns ula kullu ma‑yɣ‑iskar ifulki ɣ‑kraygatt ass. nḍalb zɣ‑gis a‑yɣ‑iguwwd, issdus‑aɣ ɣ‑uɣaras n‑ufulki. nzayd ilmma nḍalb‑as f‑aynna‑yaɣ‑ixṣṣan ula f‑ssibt n‑wadjarn‑nnɣ nna‑ihrcn. nḍalb‑as a‑ibark ɣ‑imddukkʷal‑nnɣ ula inuwwacn‑nnɣ. yan‑wass illa lmasiḥ ɣ‑yan‑udɣar, ḍalbn zɣ‑gis imḥḍarn‑ns: «ml‑aɣ mamnk a‑ntẓalla.» yini‑asn «tẓallayt ɣmkad, tinim i‑rbbi: wa‑babatnnɣ lli‑illan ɣ‑ignna, a‑yili luqr i‑ism‑nnk, tack‑id‑tgldit‑nnk, yili ma‑k‑irḍan ɣ‑ddunit ɣmklli illa ɣ‑ignna. fk‑aɣ‑d ɣassad aɣrum lli‑nḥtajja i‑wass‑ad, tṣamḥt‑aɣ f‑lxʷcant lli‑nskr, ɣmklli nṣamḥ nkkʷni i‑willi ginnɣ iskrn lxʷcant. tssanft fllannɣ kullu ma‑rad‑aɣ‑n‑ildi a‑nskr kra yʷxcnn, tjjnjmt‑aɣ zɣ‑iblis» (matta 6:9‑13).

                              1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11

ⴽⵍⵉⴽⵉ ⴼ-ⵉⵙⴻⵇⵙⵉⵜⵏ-ⴰⴷ