Aseqsi 8 rbbi ur‑a‑ittahal ula da‑itaru. max aylliɣ a‑ys‑ttinim i‑lmasiḥ «yus n‑rbbi»? s‑ṣaḥḥt a‑gʷma, rbbi ur‑igi zund bnadm, ur‑a‑ittahal ula da‑itaru. lmɛna‑yad, urd ɣmklli iswingim bnadm a‑tga. lliɣ‑d‑ilul lmasiḥ, yazn‑d rbbi lmalak jibrayyil s‑yat‑tfruxt ism‑ns maryam. yini‑as lmalak: «hati ra‑trbut, tarut yan‑warraw.» tini‑as maryam i‑lmalak: «mamnk a‑ra‑yyi‑yili mayad? ur‑dari argaz.» yini‑as: «ra‑d‑fllam‑igguz rruḥ n‑rbbi, tdl‑km‑tḥkimt n‑rbbi. mayad a‑f‑ra‑nttini i‑warraw‑an amẓlay lli‑ra‑tarut ‹yus n‑rbbi.› » (luqa 1:30, 34‑35) max aylliɣ a‑ys‑nttini «yus n‑rbbi»? amzwaru acku ilul‑d zɣ‑rruḥ n‑rbbi. tis snat acku tlla‑gis‑tḥkimt n‑rbbi, ar‑iskar lmúɛjizat lli‑ur‑iẓḍar yan a‑tnt‑iskr abla rbbi. walaynni tlla sul tis kraṭṭ, acku rbbi a‑t‑innan. ɣmklli ityaran ɣ‑linjil: «isawl‑d yan‑wawal zɣ‑ignwan yini: ‹ɣwad iga iwi iɛzzan. sflidat srs.›» (marqus 9:7)

 

                              1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11

ⴽⵍⵉⴽⵉ ⴼ-ⵉⵙⴻⵇⵙⵉⵜⵏ-ⴰⴷ