Aseqsi 9 ggutn middn ar‑ttinin «ur‑immut lmasiḥ». nnan‑uwdayn is‑t‑nɣan walaynni iga kra n‑yan yaḍni. max aylliɣ a‑ttinim kunni n‑imasiḥin «immut inkr‑d zɣ‑lmut»? ẓr, a‑gʷma, lmasiḥ mayd inna f‑ixf‑ns ur‑ta‑iruḥ‑uzmz lli‑ɣ‑ra‑immt. inna: «ra‑nddu s‑tmdint n‑urucalim. ra‑yyi‑n‑dḥin s‑gr ifassn n‑inmɣurn n‑uwdayn. rad‑flla‑ḥkamn s‑lmut. ra‑gigi‑tṭnaẓn ssufsn flla lxḍn‑iyi nɣn‑iyi. walaynni ɣ‑wis kraḍ‑uwssan rad‑d‑nkrɣ zɣ‑lmut» (matta 20:18‑19). issn lmasiḥ ma‑ra‑ys‑ijru, inna‑yasn awal‑ad kraṭṭ‑twal afad a‑ur‑t‑ttun. lliɣ‑d‑mcackan‑uwdayn d‑rruman a‑t‑nɣn, ssnn kullu nizd yus n‑maryam a‑iga. lliɣ‑t‑uggln f‑uggjdi a‑immt, tbidd innas d‑aytmas d‑imḥḍarn‑ns ɣ‑tama‑ns. ntni ssnn bahra nizd nttan a‑iga. lliɣ‑d‑inkr zɣ‑lmut isawl didsn, icc didsn, iml‑asn ula timitar lli‑fln imsmarn ɣ‑ifassn‑ns ula iḍarn‑ns. mamnk a‑ra‑ibidd yan ɣ‑lgʷddam n‑innas d‑aytmas d‑imddukkʷal‑ns bla‑t‑ukʷzn? inagan kullutn ssnn izd lmasiḥ ayn immutn.

                              1  ■  2  ■  3  ■  4  ■  5  ■  6  ■  7  ■  8  ■  9  ■  10  ■  11

ⴽⵍⵉⴽⵉ ⴼ-ⵉⵙⴻⵇⵙⵉⵜⵏ-ⴰⴷ